Wednesday, August 28, 2013

முதல் முத்தம்...!




எங்கே 
கொடுப்பது 
முதல் 
முத்தம்...!

கவிதை: ப.லிங்கேஸ்வரன்.

Saturday, August 10, 2013

Freudian Psychology - Id, Super Ego, Ego.







புற மனம் எப்போதும் மூன்று வகையான நெருக்கடிக்கு (Supervision and Persuading) உள்ளானபடியே இருக்கிறது. அவை:
1. Id
2. Super Ego
3. Society
இதில் Id என்பது உடல் இயக்க தேவைகளாகும்(Physiological needs).  அதாவது பசி,தாகம், குளிர் சூடு போன்றவற்றிலிருந்து பாதுகாத்து கொள்ளல் மற்றும் பாலுணர்வு(Sexual need) போன்றவை ஆகும். ஒவ்வொரு தேவையும் அவ்வப்போது உரிய நேரத்தில் கிளர்ந்தெழுந்து - தங்களை நிறைவு செய்து கொள்வதற்காக (Gratification of needs) - புற மனத்தை வந்தடைகின்றன. Id உணர்வுகள் உரிய நேரத்தில் பூர்த்தி செய்யப்படாவிட்டால், மனத்திற்கு அது துன்ப உணர்வாகி விடும். அவற்றின் ஒரே குறிக்கோள் Satisfaction of needs and avoidance of pain மட்டுமே ஆகும். Id உணர்வுகளுக்கு நியாய தர்மம், சரி தவறு, நல்லது கெட்டது என்ற ஏதும் தெரியாது. இவற்றை தூய தமிழில் கருநிலை உணர்வுகள் எனலாம். Id உணர்வுகளில் பாலியல் உணர்வே மிகவும் வலிமையானது ஆகும். பாலியல் உணர்வுகள் சரியான நேரத்தில் நிறைவு எய்தா விட்டால் அவை மூர்க்க உணர்வாக(Aggression) வெளிப்படும். Id உணர்வுகளும், ஆழ்மனமும் ஒன்றோடொன்று இசைந்தும்(Association), ஒன்றுக்குள் ஒன்று ஊடாடியும்(Interaction) செயல்படுகின்றன.


ஆழ்மனதிலிருந்து ஓங்கி எழும் Id உணர்வுகள் புற மனத்தை வந்ததையும்போது அல்லது தூண்டும்போது, புற மனம் அவற்றை அப்படியே செயல்படுத்தி விடுவதில்லை. காரணம், Super Ego எனும் மனத்தின் ஒரு பிரிவு எப்போதும் புற மனத்தையும், Id-யும் கண்காணித்துக்கொண்டே இருக்கிறது. மேலும் Super Ego புற மனத்தை சரியான வழியில் தேவைகளை(Needs, Desires and Wishes) நிறைவேற்றிக் கொள்ளுமாறு அறிவுறுததிக்கொண்டே இருக்கும். Super Ego சற்றும் வளைந்து கொடுக்காத ஒரு சர்வாதிகாரி போன்றதாகும்.


உண்மையில், மனத்தில் Super Ego என்ற ஒரு தனிப்பிரிவு கிடையாது. மனிதன் குழந்தை பருவத்திலிருந்து வளர வளர - மனித மனம் தான் வளரும் சூழ்நிலைகளை சமூகத்தை உற்று நோக்கி அதன் கோட்பாடுகளை, கட்டுப்பாடுகளை, அறநெறிகளை உள்வாங்கி கொண்டு - தனி அமைப்பாக உருவெடுக்கிறது. இதுவே சூப்பர் ஈகோ ஆகும். நாம் பேச்சு வழக்கில் வழங்கும் மனசாட்சியை இதனோடு ஒப்பிடலாம்.


ஒரு மனிதன் சமூக கட்டுப்பாடுகளுக்கு, அறநெறிக்கு முரணான செயல்களை செய்ய முனையும்போது, Super Ego மனிதனின் Ego-வை வன்மையாக(Condemn)  கண்டிக்கிறது. குற்ற உணர்வுக்கு (Sense of guilt) உள்ளாக்குகிறது. தேவைகளை, ஆசைகளை முறையற்ற வழியில் நிறைவேற்ற கூடாது என உள்ளிருந்து குரல் (Inner voice) கொடுக்கிறது. அதே சமயம் ஆழ்மனதிலிருந்து கிளர்ந்து எழும் எண்ணங்கள், தேவைகள் இவை ஒரு பக்கம் மனிதனை நெருக்குகின்றன. சமூகத்திலோ அத்தேவைகளை பூர்த்தி செய்ய உகந்த வாய்ப்போ, நேரங்காலமோ வாய்க்கவில்லை. இவ்வாறாக ஒரு மனிதன்(அதாவது புற மனம்) Id - Super Ego - Society என மூன்றுவித நெருக்கடிக்கு உள்ளாகின்றான். சமுதாயத்தின் பிடியோ கிடுக்கிபிடி போன்றது.


Super Ego-ன் சம்மத்தோடும், சமூக கட்டுப்பாடுகளுக்கு உட்பட்டும் ஒருவரின் தேவைகள் நிறைவேற்றப்படும்போது மனித மனம் அமைதியும் மகிழ்ச்சியும் பெறுகிறது. உடல் நலமான நிலையில் அமைகிறது. ஆனால் வெளியுலகில் போதுமான வாய்ப்பு வசதிகள் இல்லாத நிலையிலோ- Super Ego நெருக்கடிக்கு உள்ளாகியோ ஒரு மனிதன் தன்னுடைய தேவைகளை கட்டுப்படுத்தி கொண்டாலோ அல்லது தனக்குள் அமுக்கிகொண்டாலோ அந்த தேவைகள் ஆசைகள் அதனையும் நிறைவேறாத விருப்பங்களாகி(Unfulfilled wishes) ஆழ்மனதில் புதைந்து விடுகின்றன.மனத்தில் புதையுண்ட விருப்பங்கள் ஓய்ந்து விடுவதில்லை. மாறாக, வெளிவர துடித்துக் கொண்டே (Impulses) இருக்கின்றன. நினைவுக்கு எத்டியோ எட்டாமலோ அவை புற மனத்தில் கடலலைகள் போல மோதிக்கொண்டே இருக்கின்றன. புற மனமோ - Super Ego ன் கண்டிப்புக்கு அஞ்சியும், சமூக சூழல் காரணமாகவும் - ஆழ்மன விருப்பங்களை, ஏக்கங்களை தலையில் அடித்து மீண்டும் ஆழ்ம்னத்திற்கே அனுப்பி விடுகின்றன. இது புற மனத்திற்கும் அடி மனத்திற்கும் இடையில் நடக்கும் ஓயாத போராட்டமாகும். நிறைவேறா ஆசைகள், விருப்பங்கள் இவற்றின் எண்ணிக்கை அதிகரிக்க அதிகரிக்க ஆழ்மனதில் அக இறுக்கம் (Internal tension) அதிகரிக்கிறது. கூடிக்கொண்டே வரும் அக இறுக்கம் ஆற்றலாக(Energy) மனித உடலின் நரம்புகள், சதைகள் வழியாக பிதுங்கி வெளிப்பட்டு பல்வேறு நோய்களாக உருவெடுக்கின்றன. மன பதட்டம்(Anxiety), மிகை அச்சம்(Phobia), நரம்பு தளர்ச்சி, வயிற்று புண்(Ulcer), தலைவலி, தோல் நோய்கள், சர்க்கரை வியாதி, காசநோய், புற்று நோய் என எவ்வித நோயாகவும் வடிவெடுக்கலாம்.


இரக்கமற்ற இந்த் போராட்டங்களுக்கிடையே புற மனம் தன்னை காப்பாற்றிக் கொள்ள பல்வேறு உத்திகளை கையாளுகிறது. இல்லையெனில், ஆழ்மனதிலிருந்து துடித்து எழும் ஆசைகள் மனத்தை சிதைத்து விடும். புற மனத்தின் இவ்வித உத்திகள் Defense mechanisms எனப்படும். தேவைகளை உரிய வழிகளில் நிறைவேற்ற முடியாத புற மனம் அவற்றை 'மடை மாற்றம்' (Transformation) செய்கிறது. ஆன்மீகம், கலை இலக்கியம் போன்ற உயரிய வழிகளில்(Sublimation) திருப்புகிறது. சுயஇன்பம்(Masturbation), கற்பனைகளில் துய்த்து இன்பம் காணுதல்(Hallucination or Imagination) , விளையாட்டுகளில் ஆவேசமாக ஈடுபடுதல் போன்ற தற்காப்பு உத்திகள் மூலமாக தேவைகள், ஆசைகளின் வீரியத்தை (Intensity) புற மனம் குறைத்துக்கொண்டு இறுக்கம் தளர்கிறது. Defense mechanism பற்றி நீங்கள் விரிவாக ஆங்கில நூல்களிலும், இன்டெர்நெட்டிலும் படிக்கலாம். இதைத் தவிர கனவுகளிலும் ஆழ்மன எண்ணங்கள் வெளிப்படுகின்றன. உறக்கத்தில் புற மனம் சற்று அசந்து விடுகிறது. ஆனால் சூப்பர் ஈகோ எப்போதும் ஓய்வெடுப்பதில்லை. எனவே ஆழ்மன உணர்வுகள் வேஷமிட்டுக் கொண்டோ(in disguise), திரிந்த நிலையிலோ(modified) அல்லது வேறுபட்ட பல்வேறு விருப்பங்கள் ஒன்றோடொன்று இணைந்தோ(merge) - கனவுக் காட்சிகளாக வெளிப்பட்டு தங்களை நிறைவு செய்து கொள்கின்றன. ஆகவே கனவுகள் மனத்தின்(புற) இறுக்கம் , பதட்டம் இவற்றை குறைக்கும் பணியை செய்கின்றன.


நமது உள்ளதை,கனவுகளை நாமே உற்று நோக்குவதன் மூலமும் ஆராய்வது மூலமும் பிராய்ட் அவர்களின் கருத்துக்கள் எந்த அளவு உண்மையானவை என தெள்ளத் தெளிவாக உணரலாம். சமூகத்தை அவ்வளவு எளிதில் யாரும் மாற்றிவிட முடியாது. மெல்ல மெல்ல சமூகம் என்றோ மாறலாம். ஆனால் ஒரு தனி மனிதனின் வாழ்க்கை மிக குறுகியது அல்லவா?  கருநிலை உணர்வுகளும்(Id) பகுத்தறிவற்றவை மற்றும் கச்சா பொருள்(Raw material) போன்றவை. ஆகையால் நம்முன் இருக்கும் ஒரே வழி புற மனத்தை(அதாவது மனிதனின் சிந்தனை ஆற்றலை) வலுப்படுத்துவதும், வளப்படுத்துவதும் தான். மனத்தின் கட்டமைப்பை சந்தேகமற புரிந்துகொண்டு - மனசாட்சிக்கு கட்டுப்பட்டு, சமூக அமைப்பை, சமூக மாற்றங்களை ஏற்றுக்கொண்டு - அதற்கு தக்கவாறு நம்முடைய தேவைகள், விருப்பங்கள், இவற்றை நிறைவேற்றிக்கொள்ளும் திறனை பெற்று விட்டால் மன அமைதியும், நோயற்ற உடலும், வாழ்வில் வெற்றியும் வசமாகும்.பிராய்டிய உளவியலின் வெற்றியும் அதுவே ஆகும்.

பின்குறிப்பு
இந்த கட்டுரையை படிக்கும் முன் இதற்கு முந்தைய என் கட்டுரையை படித்து விடுமாறு கேட்டுக்கொள்கிறேன். பிராய்ட் உளவியல் கடல் போன்றது என்றால் கடல்கரையில் விளையாடும் குழந்தை போன்றதே என்னுடைய இந்த இரண்டு கட்டுரைகளாகும். Sigmund Freud 23 நூல்கள் எழுதியுள்ளார். ஏராளமான கட்டுரைகள் எழுதியுள்ளார். அவரின் சாதனை அளப்பரியது.

Thursday, August 1, 2013

Freudian Psychology - Conscious, Sub-conscious and Unconscious Mind.






உளவியல் பேரறிஞர் சிக்மண்ட் ப்ராய்ட் மனதின் செயல்பாடுகளையும், மனக் கோளாறுகளையும்(Psychological disorders) ஆராய்வதற்காக மனதை மூன்று பகுதிகளாக பிரித்தார். அவை பின்வருமாறு:


1. புறமனம் அல்லது வெளி மனம் (Conscious mind or peripheral mind)
2. நடுமனம் அல்லது வெளிமனம் (Sub-conscious or pre-conscious mind)
3. ஆழ்மனம் அல்லது அடிமனம் (Unconscious mind)

இதில் புறமனம் என்பது புலனுணர்வு செயல்களையும் (Sensory actions), புலன் உணர்வுகளையும் குறிக்கும். உதாரணமாக, சாப்பிடும்போது சுவை உணர்தல், கேள்விகளுக்கு பதில் கூறுதல், திரைப்படங்களை பார்த்தல் போன்றவை. புலன்கள் மூலமாக பல்வேறு செயல்களில் ஈடுபடுவதும், அதன் மூலமாக பல்வேறு உணர்வுகளையும்  அனுபவங்களையும் (Feelings and Experiences) பெறுவதும் பபுறமனத்தின் மூலமேயாகும். ஒரு மனிதன் கருத்துகளை (Concepts and Ideas)உருவாக்கி கொள்வது புறமனதில்தான்.


ஆழ்மனம் என்பது புலன் உணர்வு செயல்களில் பெறப்படும் அனுபவங்கள் பதிந்திருக்கும் இடமாகும். புற மனதில் உணரப்படும் அனைத்து அனுபங்களையும் (ஐம்புலன் அனுபவங்கள் : சுவை, ஒளி, ஒலி, ஊறு, வாசம்) ஒரு துளியளவு கூட விட்டு விடாமல் அனைத்தையும் இழுத்து சுருக்கி ஆழ்மனம் தன்னுள் வைத்துக்கொள்கிறது. தன்னுடைய மனமே ஆனாலும் ஆழ்மனதில் உள்ள அனுபவப்பதிவுகளை எவ்வளவு திறமைசாலியானாலும் ஒருவரால் நினைவுகூறவோ, கணிப்பதோ என்பது மிகக் கடினமான காரியமாகும். ப்ராய்ட் மனித ஆழ்மனதை " இருண்ட குகை" என வர்ணிக்கிறார். பிராய்டுக்கு முன்பு வாழ்ந்த தத்துவ-உளவியல் மேதைகள் புற மனதில் மட்டும் கவனம் செலுத்தி வந்த காலத்தில் - உண்மை அதுவல்ல என்றும், மனதில் ஒரு ரகசியபகுதி உண்டென்றும், அது மனிதனின் வாழ்கையை பெரும்பங்கு தீர்மானிக்கிறது என்றும் தன் ஆய்வுகள் வாயிலாக அழுத்தம் திருத்தமாக உலகிற்கு எடுத்துரைத்தார்.


நடுமனம் என்பது ஓரளவு முயற்சி செய்தால் நினைவு கூறத்தக்க எண்ணப்பதிவுகள் உள்ள இடமாகும். நடுமனம் என்பது ஆழ்மனதிற்கும், வெளிமனதிற்கும் இடையே ஒரு பாலம் போல அல்லது ஒரு தடுப்பு போல விளங்குகிறது. புற மனதிலிருந்து ஆழ்மனதிற்கு பயணிக்கும் எண்ணங்கள் (அனுபவங்கள்) நடுமனத்தில் சிறிது நின்றே செல்கின்றன. அதேபோல், ஆழ்மனதிலிருந்து கிளர்ந்து எழும் எண்ணங்கள் புறமனதிற்கு செல்லும் முன் நடுமனதால்  தடுக்கப்படுகின்றன. இன்னும் தெளிவாக கூறுமிடத்து, சிந்தனை செயல்பாடு (Thinking process) நடைபெறும் இடம் Sub-Conscious mind ஆகும்  அதாவது நடுமனமானது  
1. சமூக பழக்கவழக்கங்கள், கட்டுப்பாடுகள் .
2. எப்போதும் தன்னை கண்காணித்துக் கொண்டே இருக்கும் மனசாட்சி 
3. ஆழ்மனதிலிருந்து கிளர்ந்து எழும் தேவைகள்.
இவை மூன்றையும் அனுசரித்து செயல்பட வேண்டியிருக்கிறது.  இந்த உண்மை புறமனதிற்கும் அப்படியே பொருந்தும்.  புறமனமும் நடுமனமும் எப்போதும் ஒன்றையொன்று  சார்ந்தும் ஒட்டியும் (Interwoven and Dependant)  செயல்படுகின்றன. 


உளவியல் சரித்திரத்தில் சிக்மண்ட் ப்ராய்ட் மிகவும் போற்றதக்கவர் ஆவார். பணம் குறித்து சிறிது கூட பேராசை இல்லாமல் மனித குலத்தின் நன்மைக்காக தன்னை அர்பணித்துக் கொண்டவர். மனிதகுலத்தை பற்றி அவருக்கு எப்போதும் கவலை இருந்தது. தன் கடைசி காலத்தில் ஒரு பக்கம் ஹிட்லரின் படைகளின் தொல்லை , இன்னொருபக்கம் வாயில் ஏற்பட்ட புற்றுநோய் இரண்டாலும் அவதிப்பட்டு வந்தார். ப்ராய்ட் தன்னுடைய ஆய்வுகளில் மிகத் தெளிவாக (Accuracy in the purpose of research)  இருந்தார்.  மூன்று கோணங்களில் எப்போதும் ஆராய்ச்சி செய்து வந்தார். 
1.  தன் சொந்த அனுபவங்களை,  கனவுகளை ஆராய்வது.  குழந்தைப் பருவத்திலிருந்து திரண்டு உருக்கொண்ட தன் அனுபவங்களை எவ்வித விருப்பு வெறுப்பு இல்லாமல் நடுவு நிலையோடு ஆராய்வது.
2. தன்னை நாடி வந்த நோயாளிகளை ஆழ்ந்து ஆராய்வது.
3. சமூகத்தின் பரிணாம வளர்ச்சி, கட்டுப்பாடுகள் மற்றும் சமுதாயம் உருவாக்கிய அறநெறிகள்.
இம்மூன்று கோணங்களிலும் அவர்கண்ட முடிவுகள் துல்லியமாகவும், உலகம் முழுக்க (Universal applicability)  பொருந்துவதாகவுமே அமைந்தது.


மனதை புற மனம், இடைமனம், ஆழ்மனம் என பிரித்து ஆராய்ந்து வந்த ப்ராய்ட் அவரால் நாளடைவில் மனதின் நோய்க்குறிகளையும் (Symptoms), மனக் கோளாறுகளையும் (Mental Disorders) புரிந்து கொள்ளவும், சரி செய்யவும் இக்கட்டமைப்பு போதவில்லையென உணர்ந்தார். மனம் தளராமல் தொடர்ந்த அவர், மனதின் மற்றுமொரு கட்டமைப்பை உலகின் முன் வைத்தார். அவை பின்வருமாறு:

1.  Id
2.  Super Ego
3.  Ego.

புற மனம்-ஆழ்மனம்-இடைமனம் என்ற கருத்துக்களோடு  Id, Super Ego, Ego என்பதையும் சேர்த்து (Integrated Understanding)  விளங்கி கொண்டால்தான் மனம், மனநோய்கள், நோய்க்குறிகள், அவற்றின் காரணங்கள் இவற்றை சரியாக கண்டறிய முடியும் என்று எடுத்துரைத்தார். அவற்றை அடுத்த கட்டுரையில் விவரிக்கிறேன்.

ப. லிங்கேஸ்வரன் 

கார்டுகள் . .

என் சட்டைப் பாக்கெட் பணத்தால் நிரம்பி வழிய வேண்டுமென என் மனம் விரும்புகிறது . . ஆனால் பாக்கெட்டோ ஆதார் கார்டு, பான் கார்டு, ஸ்மார்ட் க...