Sunday, December 30, 2012

புவனத்திலுள்ள மலர்கள் எல்லாம் ...


புவனத்திலுள்ள 
மலர்கள் எல்லாம் 
ஓரிடத்தில் திரண்டு 
ஒரே பெண்ணானது போல 
தெரிகிறாய் நீ...!

கவிதை: லிங்கேஸ்வரன்.

Friday, December 21, 2012

நீதானே என் பொன்வசந்தம்...






என் தந்தை நவம்பர் 27 காலமானார். தன் உடல்நலத்தையும் பொருட்படுத்தாமல், அவையில் என்னை முந்தச்  செய்து விடலாம் என் கனவு கண்டவர். நல்ல ஆங்கில அறிவு, மூன்றுவேளை சோறு, மேற்கூரை என நான் கவலைப்படாமல் பார்த்துக்கொண்டார். உயிரோடு இருக்கும்போது திட்டிக்கொண்டே இருந்தவர், இறந்தபின் ஹீரோவாக தெரிகிறார். அவரது வாலிப பிராயத்தில் குறைந்தது ஐந்தாறு பெண்களுக்காகவாவது ஹீரோவாக விளங்கினார் என்று என் மாமா கூற கேள்விப்பட்டேன். கடைசியாக என் தந்தையை  நான்தான் மிகுந்த சிரத்தையோடு கவனித்துக்கொண்டேன். சித்த மருத்துவம்தான் அவரை நலமாக வைத்திருந்தது. நடக்கும்போது எங்கு தடுமாறுவார், எப்படி தாங்கிப்பிடிக்க வேண்டும் என்பதுவரை துல்லியமாக அறிந்து வைத்திருந்தேன்.


தொடர்ந்த துக்க தினங்களில் மீண்டு சகஜ நிலைக்கு வருவதே சிரமமான காரியமாக இருந்தது.  கவனத்தை கலைக்க எங்கள் ஊரில் நடந்த ஒரு புத்தக கண்காட்சியில் நுழைந்துவிட்டேன். நினைவெல்லாம் அப்பாவாக இருந்தார். ஒரு ஸ்டாலில் எஸ்.ராமகிருஷ்ணன் நின்று கொண்டிருந்தார். ஒருவர்கூட அவரை கண்டுகொள்ளவில்லை. நான் சட்டென கவலை மறந்து அவரை நோக்கி நகர்ந்தேன். நேரில் சற்று பூசினாற்போல் புதுசாய் தென்பட்டார்.  நான் அருகில் சென்று வணக்கம் சார் என்றேன். புன்னகையுடன் கைகுலுக்கினார். உங்கள் புத்தகங்களை படிப்பேன் சார் என்றேன். சிரித்தார். உயிர்மையில் படிப்பேன் என்றேன். சிரித்தார்.  எல்லா புத்தக கண்காட்சிகளிலும் சுஜாதாவின் புத்தகங்களே அதிகம் சேல்ஸ் ஆகிறது என்பீர்களே என்றேன். அப்போதுதான் அவர் என்னை கவனித்து இருக்கவேண்டும்.  தயக்கத்துடன், சார் ஒரு போட்டோகிராப். ஓ! தாராளமாக எடுத்துக்கங்க என்றார். பிறகு உலக சினிமாவை பற்றி தான் எடுக்கப்போகும் செமினார்  நோட்டிசை என்னிடம் ஒன்று கொடுத்துவிட்டு நகர்ந்தார். 



அடுத்த கவன கலைப்பு, நீதானே என் பொன் வசந்தம்.  படம் முழுக்க இளையராஜாவின் இசை கட்டிப்போடுகிறது என்று சொன்னால் நீங்கள் நிச்சயமாக ஒத்துக்கொள்வீர்கள்.  நீதானே.......எந்தன்.....பொன்வசந்தம்.....ஜீவா பாடுகையில் ஒரு கிடார் இசை ஒலிக்கிறது பாருங்கள்!  இதயத்தை சுண்டி இழுக்கிறது. நிஜமாகவே இழுக்கிறது.


கௌதம் மேனன்  Aesthetic feeling எனப்படும் அழகியலை பிரதானப்படுத்தி படம் எடுக்கிறார்.  அழுக்கில்லாமல் எப்போதும் அழகாக தோற்றமளிக்கும் கதாபாத்திரங்கள், நுண்ணிய முகபாவங்கள், பின்னணி இசை என மூன்றும் ஒன்றிலிருந்து ஒன்று பிரிக்க முடியாதபடி சேர்ந்து நம்மை படத்தில் ஒன்ற வைக்கின்றன. சமந்தாவிற்கு எல்லாம் அளவெடுத்தது  மாதிரி சரியாக இருக்கிறது.

Saturday, December 15, 2012

பெண்ணொருத்தியின் ரசனை...



சமூகம் ரொம்பவே மாறிவிட்டது. 1988,89,90-களில் பிறந்த பெண்கள் திடீரென கல்யாண சந்தைக்குள் நுழைந்து விட்டார்கள். இதில் 1981-ல்  பிறந்த என் போன்றவர்களின் பாடு திண்டாட்டம்தான். சரிதாவுடன் பேசும் போது நன்றாக தெரிகிறது.


யோசித்து பார்த்தால் இம்மாற்றம் திடீரென நிகழவில்லை. சத்தமில்லாமல் அதிகரிக்கும் ரத்த அழுத்தம் போல, நம்மை பாதிக்கும்போதுதான் சமூகத்தின் இயல்பான  இம்மாற்றங்கள் தெரிகிறது. 

அசுர வேகத்தில் வளர்ந்து மாறி வரும் தகவல் தொழில்நுட்பம், விரைவான போக்குவரத்து, இளைய தலைமுறையினரின் பார்வையை அகல விரியச்செய்யும்  இன்டர்நெட் போன்றவற்றால் பெண்ணொருத்தியின் ரசனை, எதிர்பார்ப்புகள் யூகிக்க முடியாத அளவிற்கு சென்றுவிட்டன . உலகமயமாக்கலின்  இரக்கமற்ற இத்தகைய விளைவுகளை சகித்துக்கொண்டு அவ்வப்போது நிலைமையை சமாளிப்பதை தவிர வேறு வழி இல்லை என்றே நினைக்கிறேன்.

Thursday, December 13, 2012

என் வாழ்க்கை...



பரணி நட்சத்திரம் கும்ப லக்கினத்தில் 
--- ஆண் மகவு ஒன்று பிறந்திருக்க 
தரணி ஆளுமென என் பெற்றோர்கள் 
---  மகிழ்ந்திருக்க, சுக்கிரனோ எட்டில் பலமிழந்து  
சிரமங்களுக்கிடையே அவன் வாழ்க்கை என 
--- விதித்திருக்க, எனினும் அன்பும் பெருங் 
கருணையும் கொண்ட இறைவன் வாழ்க்கையில் 
--- சகல அறிவையும் பெற புதனையும் 
சூரியனையும் ஒன்றாக ஏழில் நிற்க 
--- வைத்து இதுவரை பலபிறவிகளில் சேர்த்த 
கர்ம வினைகளைஎல்லாம் கழித்து தன்னைசேர  
--- கேதுவை பன்னிரெண்டில் நிறுத்தி வைத்தான்.

Monday, November 12, 2012

செவ்வாய் தோஷம் என்றால் என்ன?



செவ்வாய் தோஷம் - திருமண வயதில் மகனோ மகளோ உள்ள பெற்றோர்களுக்கு பீதியை கிளப்பக்கூடிய வார்த்தை. செவ்வாய் தோஷமுள்ளவர்களை திருமணம் செய்து கொண்டால் அது உயிரையே பறித்து விடும் என்ற எண்ணமே அதற்கு காரணமாகும். இதை மூட நம்பிக்கை என்று சொல்பவர்களும் உண்டு. நானும் இதை அவ்வாறே எண்ணிக் கொண்டிருந்தேன். போதாக்குறைக்கு, என் அம்மாவும் செ.தோஷத்தால் மாண்டவர்களின் பட்டியலை நினைவு கூர்ந்து வயிற்றில் புளியை கரைப்பார்.  செ.தோஷம் என்பதை மூட நம்பிக்கை என்பதுதான் மூட நம்பிக்கை என்றுணரும் காலம் வந்தது (2012).  செ. தோஷம் தொடர்ப்பான கருத்துக்கள் நமது இந்திய தத்துவ-விஞ்ஞானிகளின் ஆழ்ந்த, பரந்து விரிந்த வானியல் அறிவுக்கும் -  வானுலவும் கோள்களுக்கும் மனிதர்களுக்கும் உள்ள தொடர்பை பற்றிய அறிவுக்கும் - தனிமனித உளவியல், உடற்செயலியல், உடற்கூறு அறிவுக்கும் - மிகச்சிறந்த சான்றாகும்.



சிலமாதங்களாகவே செ.தோஷம் என்றால் என்ன, அது எவ்வாறு மனிதர்களை பாதிக்கிறது, அதன் பின்னணியில் உள்ள ரகசியங்கள் என்ன என்ற ரீதியில் என் சிந்தனை ஓடிக்கொண்டே இருந்தது. அதற்கான விடையும் சிறுக சிறுக கிடைத்து விட்டது. எண்ணற்ற, தமிழ்மொழி படிக்கத் தெரிந்த மக்களின் நலனுக்காக ஆழ்ந்த சிந்தனையிலும் ஆராய்ச்சியிலும் எனக்கு கிடைத்த விடையை அப்படியே வெளியிடுகிறேன். முதலிலேயே, நான் எவ்வாறு இந்த ஆராய்ச்சியை செய்தேன் எனக்கூறி விடுகிறேன்.  இது  ஒரு Empirical research அல்ல.  Unempirical research  என்பதையும் கூறிக்கொள்ள விரும்புகிறேன். என் தாயார் கூறிய விவரங்கள்,  சிறிய அளவிலான என் ஜோதிட அறிவு, வேதாத்திரி மகரிஷியின் காந்த அலைத்தத்துவம், மனித உளவியல்  மற்றும் உடற்கூறு, நேரடியாக நான் கவனித்த அனுபவங்கள் - இவற்றை ஒருங்கிணைத்து சிந்தித்தபோதே செ.தோஷம் என்ற முடிச்சு அவிழ்ந்தது.


முதலில் ஆண் மற்றும் பெண்ணின் உடல் அமைப்பை சற்று ஆராய வேண்டும். ஆண் பெண்ணின் உடல்கூறிற்கும், அவர்களின் பாலியல் உணர்வியற்கும் உள்ள தொடர்பை தெரிந்துகொள்ள வேண்டும். பொதுவாக, ஆண்களுக்கு உடலுறவில் உச்சகட்ட நிலையில் விந்து வெளியேறிவிடுகிறது. ஒரே தடவையில் சற்று அதிகமாக வெளியேறிவிடுகிறது. பிறகு ஆண்களால் உடனடியாக உறவில் ஈடுபட இயலாது. ஆனால் பெண்களுக்கு அதுபோல் அல்ல. விந்துபோன்ற ஒரு வகையான திரவம் பெண்களுக்கு உடலுறவின்போது வெளியாகிறது. ஆண்களுக்கு போலல்லாமல், சிறிது சிறிதாக சில நிமிடங்கள் விட்டுவிட்டு இந்த திரவம் வெளிவரும். விந்து வெளிவரும் நிலையில் ஏற்படும் இன்ப உணர்வை ஆங்கிலத்தில்  Orgasm  என்கிறார்கள். எனவே ஆண்களுக்கு Single Orgasm  ஆகும். பெண்களுக்கு Multiple Orgasm  ஆகும்.  இந்த காரணத்தால் உடலுறவில் ஒரு ஆணும் பெண்ணும் ஒரே நேரத்தில் முழு இன்பத்தை துய்ப்பது அரிதான காரியமாகிறது.  ஒருவரை ஒருவர் அன்புடன் புரிந்துகொண்டு , உடலுறவின் உணர்ச்சி நிலைகளுக்கேற்ப விட்டுக்கொடுத்தும் வளைந்துகொடுத்தும் நிகழ்த்தப்படும் கலவியில் மட்டுமே முழுமையான இன்பம் சாத்தியமாகும். பெரும்பாலான திருமணமான தம்பதியினருக்கே இந்த விஷயம் தெரியவில்லை.  அப்படியெனில், இளைஞர்களின் நிலை?   இந்த பின்னணியிலேயே  (In this backdrop)   செ.தோஷம் ஆராயப்படுகிறது.


செவ்வாய் கிரகமானது மனித உடலில் எலும்பு மஜ்ஜையோடு தொடர்புடையதாகும். மஜ்ஜையிலிருந்தே  ரத்தம் உற்பத்தியாகிறது.  ரத்தத்திலிருந்து சுத்தமான சாறு போன்று வடிந்து இறுதியில் விந்து உருவாகி உடலின் மையப்பகுதியில் சேகரமாகிறது.  ஒருவருக்கு செ.தோஷம் இருக்கிறது என்றால்  அவருக்கு செவ்வாய் கோளிலிருந்து வீசும் அலை வீச்சும், அவரது உடலிலிருந்து வீசும் அலை வீச்சும் (Bio-magnetic waves)   வலுவாக பொருந்தி இருக்கிறது என்று அர்த்தமாகும். அதாவது செவ்வாயின் அலையும், மனித உடலின் அலைவீச்சும் கணக்காக பொருந்தி அவரது வாழ்நாள் முழுவதும் இது தொடர்கிறது. இதன் காரணமாக  செ.தோஷம் உள்ளவரது உடலில் விந்து உற்பத்தி சற்று அதிகமாகவே இருக்கும்.  செ.தோஷம் உள்ளவர்கள் நல்ல உடற்கட்டு, மன உறுதி, தன்முனைப்பு (Ego), உடலுறவில் சற்று அதிகமான ஆர்வம் - இவற்றை பெற்று இருப்பார்.  இக்கருத்துக்களை  முந்தையை பத்தியில் கூறப்பட்டுள்ள கருத்துக்களோடு இணைத்து சிந்தித்து பாருங்கள்.



செ.தோஷம் உள்ள ஒரு பெண்ணை, செ.தொஷமல்லாத ஒரு ஆண் திருமணம் செய்து கொள்வாரேயானால், அது நிச்சயமாக அவருக்கு விடுக்கப்பட்ட சவாலே ஆகும். அப்படி ஒரு பெண்ணை தாம்பத்திய உறவில் திருப்திபடுத்துவது என்பது கடுமையான காரியமாகும்.  ராமலிங்க சுவாமிகளின் கூற்றுப்படி, இரண்டு வாரங்களுக்கு ஒருமுறை தாம்பத்திய உறவு கொள்வதே உத்தமம்.  நடைமுறையில் இது சாத்தியமில்லையாதலால், வாரத்திற்கு ஒன்று அல்லது இரண்டு தடவை என்பது ஓரளவு ஏற்றுக்கொள்ள கூடியதும், உடல்நலனுக்கு உகந்ததும் ஆகும்.  வயது கூட கூட தாம்பத்திய உறவில் ஈடுபடும் காலங்களிலும் மாற்றம் வேண்டும் என்பதையும் நினைவில் நிறுத்திக்கொள்ள வேண்டும். 


ஆனால் செ.தோஷமுள்ள பெண்ணிற்கு ஈடுகொடுக்க ஒரு ஆணானவர் அடிக்கடியும், சற்று ஆக்ரோஷமாகவும் தாம்பத்திய உறவில் ஈடுபட் வேண்டியிருக்கும். இந்த முயற்சியில் அவர் தொடர்ந்து ஈடுபட்டாலும், செ.தோஷமுள்ள பெண்ணின் வலுவான உடலமைப்பால் இம்முயற்சி திருப்தியளிக்காமல் தோல்வியிலேயே முடியும். இந்த இடத்தில்தான், கணவன்-மனைவி இருவரிடையே விரிசலும், அதிருப்தியும் துவங்கும். தாம்பத்திய உறவில் ஈடுகொடுத்து செயல்பட முடியாததால், மன அழுத்தமும் விரக்தியும் காலப்போக்கில் ஓர் ஆணுக்கு உண்டாகும். இது ஒரு தாங்க முடியாத மன அழுத்தமாகும். முறையான கால இடைவெளியில்லாமல் தாம்பத்ய உறவில் ஈடுபடுவதால் ஆணின் உடல்நிலை பாதிக்க துவங்கும். அடிக்கடி விந்து வெளியேறுவதால், அதற்கு முந்தைய நிலைகளான மஜ்ஜை, எலும்பு போன்றவை பலகீனமாகி ( தூர்ந்து போவது போன்று - Porous) உடல் மிகுந்த சோர்வுக்கு உள்ளாகும். சில வருடங்களில் நரம்பு தளர்ச்சி, ரத்த சோக போன்ற பாதிப்புகளும் உண்டாகலாம்.


இவ்வாறு உடலும் மனமும் ஒரே நேரத்தில் பாதிக்கப்படுவதால் ஆணானவர் ஒரு இக்கட்டான நிலைக்கு தள்ளப்பட்டு ஏதேனும் ஒரு கடுமையான நோய்க்கு ஆளாவார். மேலும் கணவன மனைவிக்கிடையில் சண்டை சச்சிரவுகள் அதிகமாக துவங்கும். இதுவரை கூறப்பட்டுதை அடிப்படையாக வைத்துப்பார்த்தால், செ.தோஷமுள்ள ஒரு பெண்ணை மனம் செய்து கொண்டவர்   (1 )  உடல் உபாதைகள் மற்றும் நோய்கள்  (2 )  தற்கொலை  (3 ) விபத்துகள்  இவற்றில் ஏதேனும் ஒன்றால் மரணத்தை தழுவும் வாய்ப்பு மிக அதிகம்.  மரணிக்காவிட்டாலும் உடல் உபாதைகளால் நீண்ட நாட்கள் அவதியுறும் வாய்ப்பும்  அதிகம்.  மன சோர்வு, விரக்தி இவற்றால் உண்டாகும் தடுமாற்றத்தால் விபத்தை சந்திக்கும் நிகழ்தகவும் அதிகமாகிறது.



செ.தோஷம் ஒரு குறைபாடோ, கேவலமான விஷயமோ அல்ல.  செ. தோஷமுள்ள பெண்ணை ஒரு செ.தோஷமுள்ள ஒரு ஆண் மணம் புரிந்துகொண்டால் அவர்களது வாழ்க்கை மகிழ்ச்சிகரமாகவும், நிறைவளிப்பதாகவும் அமையும்.   செ.தோஷம் என்பது  ஒருவர் ஜனிக்கும்போது அவருக்கு இயற்கையாக அமைந்த உடல்-மன அமைப்பை குறிப்பதாகும். இயற்கையின் படைப்பில் தாழ்வு என்பதற்கோ, சங்கடப்படுவது என்பதற்கோ ஒன்றுமில்லை.  மழை பெய்யும்போது குடையெடுத்து செல்வது போல,  காற்றடிக்கும் திசையில் சைக்கிள் ஓட்டினால் எளிதாக செல்ல முடிவதுபோல - செ.தோஷமுள்ள ஆணும் பெண்ணும் திருமணம் செய்துகொள்வது இயற்கையை அனுசரித்து நடக்கும் மதிநுட்பமே ஆகும். அதுவே கணவன் மனைவி இருவருக்கும் பாதுகாப்பாகும்.



மன உறுதி எல்லாவற்றையும் விழ மேலாகும்.

கூற்றம் குதித்தலும் கைகூடும் நோற்றலின் 
ஆற்றல் தலைப்பட்ட வர்க்கு  -  என்கிறார் வள்ளுவர்.

இங்கு, நோற்றல் என்பது,  மனதாலும் செயலாலும் யாருக்கும் துன்பம் தொந்திரவு அளிக்காமல், சிரமப்படுபவர்களுக்கு  முடிந்தவரை உதவி செய்து வாழும் அறநெறியை குறிக்கிறது.  சரியாக சொல்லவேண்டுமானால், நோற்றல் என்பது தவ வாழ்வை குறிக்கிறது. யாருக்கும் துன்பம் தராமலும், வரும் துன்பத்தை பொறுத்துக் கொள்ளுதலுமே  தவத்திற்கு இலக்கணமாகும். அத்தகையோர் மரணத்தையும் தவிர்த்து விடுவர் என்பதே இக்குறளின் பொருளாகும்.   ஜாதகத்தையும் தோஷங்களையும் புறக்கணித்துவிட்டு மன வலிமையையும், தன்னம்பிக்கையையும் நம்பி வாழும் பலரையும் நான் பார்த்திருக்கிறேன்.  



இந்த செ.தோஷ ஆராய்ச்சியில், செ.தோஷமுள்ள ஆணை ஒரு செ.தொஷமல்லாத பெண் மணம் செய்தால் என்னவாகும் என ஆராயப்படவில்லை.  மேலும் இங்கு ஆராயப்படாத சங்கதிகளும் விவாதத்திற்குரியவை.  எனக்கு தெரிந்தவரை, செ.தோஷத்தை பற்றி தெளிவான ஏற்றுக்கொள்ளக் கூடிய விளக்கம் எங்கும் காணப்படவில்லை. இதற்கான மூல காரணம் ஒரு தம்பதியினரின் அந்தரங்கத்தில் புதைந்து கிடப்பதால், யாராலும் ஒரு முழுமையான விளக்கத்தை தர முடியவில்லை.


தீபாவளி நாள்,  2012.
திண்டுக்கல்.






Sunday, October 21, 2012

டெங்கு காய்ச்சலுக்கு சித்த மருத்துவம் மற்றும் ஹோமியோபதி மருத்துவம்...





டெங்கு சுரம் விரைவாக தமிழகத்தில் பரவி வருகிறது. அதாவது அவ்வாறு சொல்லப்படுகிறது. உலகமயமாக்கல் சூழலில் எல்லாமே வியாபாரம்தான். காலம்காலமாக பலவிதமான நோய்கள் பருவநிலை மாறுதல்களுக்கு தக்கவாறும், அங்கங்கு அமையும் சூழ்நிலைகளுக்கு தக்கவாறும் உருவாகி மக்களை வாட்டி வதைக்கின்றன. ஆனால் எல்லாப் பொருட்களிலும் எல்லா உயிர்களிலும் ஊடுருவி நிற்கும் தெய்வமானது அதற்கேற்ற தீர்வையும் சேர்த்தே அளிக்கிறது. டெங்கு சுரமும் அதற்கு விதிவிலக்கல்ல. 


ஆங்கில மருந்துகள் மனித அறிவால் உருவாக்கப்படுகின்றன. மனித அறிவென்பது சிற்றறிவாகும் (Fractional consciousness).  தெய்வம் என்பது பேரறிவு அல்லது முற்றறிவாகும் (Total consciousness). அதனால்தான் மனிதர்கள் தயாரிக்கும் மருந்துகளில் தவறுகள் (Human error)  ஏற்படுகின்றன. இத்தவறுகளே ஆங்கில மருத்துவத்தில் பக்க விளைவுகள் எனப்படுகின்றன. ஒவ்வொரு ஆங்கில மருந்து வெளியிடப்படும் போதும் அது என்னென்ன பக்க விளைவுகளை ஏற்படுத்தும் எனபதும் சேர்த்தே மருத்துவர்களால்     
வெளியிடப்படுகிறது. 


தெய்வம் அல்லது இயற்கை எனும் பேரறிவால் உருவாக்கப்படும் மருந்துகளே தாவரங்கள் அல்லது மூலிகைகளாகும்.  தாவரம் என்ற வார்த்தையை உற்று நோக்கினால் 'வரம்'  என்ற வார்த்தையை அதில் காணலாம். மூலம் + ஈகை என்பதே மூலிகை. இறைவனின் கொடையே மூலிகைகள்.  இயற்கையின் தயாரிப்பில் உருவாகும் தாவரங்களில் பக்க விளைவுகளே இல்லை. ஒவ்வொரு மூலிகையும் நூற்றுக்கணக்கான நோய்களை தீர்க்கக் கூடியது. அதுபோல் ஆயிரக்கணக்கான மூலிகைகள் உள்ளன. உதாரணத்திற்கு, பொன்னாவரை என்ற மூலிகை (சூரண வடிவில் கடைகளில் கிடைக்கிறது) மிக எளிதில் மலச்சிக்கலை தீர்க்க கூடியது; எந்த பக்கவிளைவும் இல்லாதது.  இந்தவகையில் பார்த்தால், டெங்கு காய்ச்சல் என்பது சித்த-ஆயுர்வேத மருத்துவ முறையில் மிக எளிதாகவும், பக்கவிளைவுகள் இல்லாமலும், நோயாளிக்கு எவ்வித சிரமமும் இல்லாமலும் குணமாக்கும் மருத்துவமாகும். என்னை பொறுத்தவரை, டெங்கு காய்ச்சலுக்கு அஞ்ச வேண்டியதே இல்லை.


நான்கு வருடங்களுக்கு முன்பு ஒருமுறை நான் கடுமையான வைரஸ் காய்ச்சலால் பீடிக்கப்பட்டேன். மூன்று நாட்கள் தொடர்ந்து ஆங்கில மருந்துகள் எடுத்தும்  காய்ச்சல் நிற்கவே இல்லை. சிக்குன்குனியா பரவிவந்த காலம் அது.  வெப்பத்தால் எனது தலை முடி உலர்ந்து விட்டன, கண்கள் சிவந்து உடல் மிகவும் சோர்ந்து விட்டது. கடைசி முயற்சியாக, நானாக தனியே ஒரு ஆட்டோ பிடித்து எனக்கு முன்பே பழக்கமான சித்த மருத்துவர்  டாக்டர். அறிவொளி என்பவரிடம் சென்றேன். அவர் என் நிலைமையை பார்த்தே சிரித்து விட்டார்.  என்னங்க....இப்படி வந்துறிங்கிங்க......சொல்லிருக்கேன்ல....முதலிலேயே வந்திருக்கலாம்ல என்றார். எனக்கு பேச திராணி இல்லை. அவர் நிலவேம்பு என்ற கஷாய பொடியை கொடுத்து இதை தினமும் இரண்டு வேளை கஷாயம் போட்டு  குடியுங்கள், காய்ச்சல் நின்றுவிடும் என்றார். எனக்கு சுத்தமாக நம்பிக்கையே இல்லை. எனினும் கஷாயம் போட்டு குடித்தேன். நீங்கள் நம்ப மாட்டர்கள், மறுநாளே காய்ச்சல் நின்றுவிட்டது. ஐந்து நாட்களில் நார்மலான நிலைமைக்கு வந்துவிட்டேன்.  பிறகு அவர் கூறினார், பொதுவாக கடுமையான வைரஸ் காய்ச்சல் என்றாலே மக்கள் அலோபதி மருத்துவத்தைதான் நாடுகிறார்கள். படித்தவர்கள் கூட இதை விளங்கிகொள்வதில்லை என்றார்.  சித்த வைத்தியத்தின் மூலம் எத்தனையோ முறை என் அம்மாவையும், அப்பாவையும் அவர் மரணத்தின் விளிம்பிலிருந்து காப்பாற்றியிருக்கிறார்.  அவருக்கு நான் நன்றி கடன்பட்டிருக்கிறேன்.



அதிலிருந்து இரண்டு வருடம் கழிந்தது. மீண்டும் ஒரு வைரஸ் காய்ச்சல். இந்தமுறை எந்த வைத்தியம் பார்ப்பது என்பதில் நான் தெளிவாகவே இருந்தேன். வேதாத்திரி மகரிஷி என்ற புனிதரின் கருணையால் நான் பலவருடங்களுக்கு முன்பிருந்தே ஆன்மீக கலையில்  ஈடுபட துவங்கியிருந்தேன். ஆன்மீகத்தில் நான் பெற்ற வந்த தேர்ச்சிக்கேற்ப வாழ்க்கையில் ஒவ்வொரு துறையும் எனக்கு தெள்ளதெளிவாக விளங்கிவந்தது. நோய்கள் வர காரணம்,  நோய்கள் வரமால் எப்படி தடுத்துக்கொள்வது,  எந்த நோய்க்கு எந்தவித மருத்துவம் உகந்தது என்ற தெளிவெல்லாம் அப்போது நான் பெற்றேன்.  இந்த பெருமையெல்லாம் என் குருநாதர் மகரிஷியையே சாரும். நிற்க.  இந்த தடவை வைரஸ் காய்ச்சல் வந்த பொது நான் நாடியது ஹோமியோபதி வைத்தியம். ஹோமியோபதி மருத்துவத்தின் அடிப்படை எனக்கு மிகவும் ஆச்சரியம் அளித்தது.  இப்படியும் ஒரு மருத்துவம் உலகில் இருக்கிறதா என வியப்பு எனக்கு.


ஹோமியோ மருத்துவத்தில் மூலப்பொருட்கள் என்பவை தாவரங்கள், தனிமங்கள் மற்றும் உலோகங்கள் என எதுவாகவும் இருக்கலாம். ஆனால் இவற்றை நேரடியாக மருந்தாக கொடுக்கப்படுவதில்லை. தாவரங்கள் அல்லது தனிமங்கள் அல்லது உலோகங்கள் இவற்றின் சாரத்தை எடுத்து அவற்றை நீர்த்துப்போக செய்து - இறுதியில் மருந்தானது ஆற்றல் வடிவில் (Energy Form)   நோயாளிக்கு தரப்படுகிறது.  இப்படி மருந்தை நீர்த்து போக செய்வதை  Potentiation  என்கிறார்கள். அப்படி  செய்தால்தான்  மூலப்போருளிருந்து ஆற்றல் முழுமையாக வெளிப்படும் என்கிறர்கள். ஹோமியோபதி மருந்தானது ஆற்றல் வடிவில் செயல்படுவதால்  உடல் மற்றும் மனம் இரண்டையும் சரி செய்து நோயாளியை இயல்பு நிலைக்கு கொண்டுவருகிறது.  மேலும் மனித உடலில் இதமாகவும், விரைவாகவும் செயல்படுகிறது. ஹோமியோபதி மருத்துவமானது நோயாளியை பீதிக்கு உள்ளாக்காத ஓர் எளிய, சிக்கனமான மருத்துவமாகும்.


டாக்டர். சாமுவேல் ஹானிமன் என்பவரே ஹோமியோபதி மருத்துவத்தின் தந்தை ஆவார். இவர் ஜெர்மனியில் பிறந்தவர்.  போதிதர்மர்  எப்படி சீனாவில் (ஏழாம் அறிவு) தனது வைத்திய புலமையால் மக்களை விஷக் காய்ச்சலிலிருந்து காப்பற்றினாரோ, அதேபோல டாக்டர்.சாமுவேல் ஹானிமன் ஹோமியோபதி மருத்துவம் மூலமாக ஜெர்மனியில் ஏராளமான மக்களை காலரா, வைரஸ் காய்ச்சல் போன்ற கொள்ளை நோய்களிலிருந்து தனது அபாரமான வைத்திய திறமையாலும், உள்ளுணர்வாலும்  காப்பாற்றினார்.  அக்காலகட்டத்தில்  ஆங்கில மருத்துவத்திற்கு சவாலாக விளங்கிய டாக்டர்.ஹானிமனை  ஆங்கில மருத்துவர்கள் கூட்டமாக சேர்ந்துகொண்டு ஊரைவிட்டு விரட்டி அடித்தனர். தன் வாழ்நாளின் இறுதிவரை போராட்டமாகவே நாட்களை கழித்தார் ஹானிமன்.

Sunday, October 7, 2012

தவம்...




தேவதைகள் 
வருகிறார்கள் 
போகிறார்கள்...
தவம் மட்டும் 
தொடர்கிறது...!


கவிதை: ப.லிங்கேஸ்வரன்.

Saturday, September 29, 2012

Brief Life History of Vethathiri Maharishi...









G.V.Vethathiri was born in 1911 in a simple weaver’s family in a village,30 km south to Madras. It is a Orthodox Hindu family.

He had no formal education because of the poor condition of his family.

He never gave up his self-effort and self-learning as later he became a Qualified Physician in Siddha,Ayurveda and Homeopathy medicine systems by his own interest and effort with the help of Dr.Krishna rao, his first guru.

There are always few questions in his mind for which he was striving to find answers consistently. Specifically, those questions are: 1. What is God? 2. What is Life? 3. Why is there Poverty among people?

Around his age 30, He worked in a Postal Audit Office in Madras on a meager salary.

Around his age 40, He owned a Textile Concern employing around 2000 workers.

He learnt Mediation from Dr.Krishnarao at the age around 20.

He learnt Meditation Techniques properly from a Spiritual Master namely Paranjothi Mahan at his age 34..

Several years of intense and solitary meditation and introspection of mind brought him full enlightment at the age of 35. 


In the successive years, he clearly understood the Secrets of Mind and Secrets of Universe and he obtained a holistic view about the philosophy of life -one by one.


But at the age of 50, due to unforeseen circumstances beyond his control, he was compelled to close his Textile Concern. After a brief period of attendant difficulties, he decided, it was a sign to change his life style entirely and took up the task of teaching and writing to help others of sincere spiritual education sharing his experiences and divine revelations of truth.

In 1958, he founded The World Community Service Centre in Madras for spreading his teachings. He designed a Unique System of Yoga called Manavalakkalai Yoga for which a small note will be given later in the following pages.

Over the past 50 years, over thousands of branches of World Community Service Centre have been formed in India and Abroad.

They are popularly known as Temple of Consciousness.                                           
(Tamil: Arivu Thiru Kovil).

He has extensively visited all over Tamilnadu and India for teaching his Uniquely designed Manavalakkalai Yoga . From 1972 to 1993, he visited annually, lecturing and teaching extensively in Japan, South Korea, Singapore, Malaysia and USA.

He visited USA as many as 22 times for teaching his Simplified Kundalini Yoga.

As a divinely inspired poet, he wrote more than  2000 poems in Tamil.

He has contributed Tamil Literature to a great extent by his Intuitive and divinely inspired poems and books of spiritual nature.


He wrote nearly 75 books both in Tamil and English covering the subjects Philosophy,Psychology,Economics,Sociology,Cosmology, Physics etc.


He was the author of a monthly magazine namely ‘Anboli’ in Tamil and English Version for bringing his concepts to the public.


In 1972, he gave a lecture about the Simplified Kundalini Yoga Meditation for mental peace in the United Nations Organization.

Several years back, he was recommended by a American scientist for the Nobel Prize for his ‘Theory of Unified Force’ (Gravity) .



Nearly 55 years ,he has been contributing for the World Peace through the teachings and Writings of his Spiritual education and Philosophy.. He has given elaborate explanations for achieving world peace in a step by step manner in his book known as ‘World Peace’ and a book ‘ Blue print for World Peace’.



He left his earthly abode at the age 95. Just before three weeks about his demise, he finished writing a book ‘History of  Transformation of God’ in Tamil.

Vethathiri Maharishi himself arranged a number of conferences/meetings in various Universities of USA and India about his ‘Theory of Unified Force’, Concepts of Space, Energy particle, Magnetism and Nature of Human mind and World Peace Plans.
Some of them are:
              1.Rutgers University,New Jerssy.
              2.Kalamazoo,Michigan.
              3.University of Missisipi,Missisipi.
              4.Colorado University,Fort collins,Colorodo.
              5.University of Colorodo,Boulder,Colorado.
              6.Chonnan University,Kwangju,Korea.
              7.Indian Institute of Technology, Madras.
              8.Indian Institute of Technology,Delhi.
              9.Indian Institute of Science,Bangalore.
            10.Coimbatore Institute of Technology,Coimbatore.
            11.Gandhigram Rural
                 University,Gandhigramam,Dindugal.

As a honorific, he is reverently known by the name, ‘ ‘Thathuvagnani Vethathiri Maharishi’ by his admirers.

In his early days, he was called ‘Yogiraj Vethathiri Maharishi’.

He is also popularly known as ‘Common Man’s Philosopher’ due to the simplicity in his philosophy and yogic techniques.

Dravidian University,Kuppam, Andhra Pradesh has conferred him a Superior Honorary Title – ’19th  Siddhar’ in a Conference held on 2006. ( It is a tradition in South India to mention the number of Siddhars as 18. ).

Vethathiri Maharishi established a Educational Institute namely ‘Vethathiri Maharishi Institute for Spiritual and Intuitional Education’ at Aaliyar, Pollachi, Coimbatore District, India in the Year 2004. It is a Educational Wing of World Community Service Centre, Madras. Shortly known as VISION.

His Simplified Physical Exercise, Kayakalpa, Kundalini Yoga ,Introspection Techniques and His Philosophy of Space (Gravity), Energy ,Mass, Nature of Mind and Reformation Ideas in Economics, Politics, Education and World Peace Plans have been compacted and designed by VISION as a Curriculum Syllabus.

This syllabus is being offered as Diploma / B.A. / M.A./ B.Sc ./ M.Sc / M.Phil / Ph.D. Courses in collaboration with nearly Ten Universities in India. So far, 50000 students have obtained these degrees and diplomas and now thousands of students are presently (Approx. nos.) studying these courses.

Idea, Writing and Complilation
Lingeswaran



Saturday, August 25, 2012

காதல் கவிதைகள்...






எனது
கிறுக்கல்களும்
கவிதைகளாக
மாறின.....
அவள் அதை
படித்த பொழுது... !


____________________________________________________





தடுமாறி
விழுந்தேன்
அவளுடன்
காதலில்....!


_____________________________________________________





அவள்
பேசிக்கொண்டே
இருக்கிறாள்....
நான் அதை
நேசித்துக் கொண்டே
இருக்கிறேன்...!


______________________________________________________





முத்து முத்தாக
பனித்துளிகள்
ரோஜா பூவில்...
அவள் முகத்தில்
பருக்கள் போல.....!


________________________________________________________





விட்டு விட்டு
விலக நினைத்தாலும்
தொட்டு தொட்டு
விளையாடுகிறது
அவள் நினைவு...!


_________________________________________________________





அவளின்
மௌனம்
என் மனதில்
பெரும் சப்தமாய்
ஒலிக்கிறது.....!


__________________________________________________________





கவிதை: லிங்கேஸ்வரன்.



Monday, August 20, 2012

விண்ணை தாண்டி வருவாயா...






அப்போது எனக்கு பத்து வயதிருக்கும்.  என் அம்மாவும், சிறிய தாயாரும் என்னை ஒரு திரைப்படத்திற்கு அழைத்து சென்றார்கள். சிறுவயதில் என் சிறிய தாயாரின் செல்லப்பிள்ளையாகவே நான் வளர்ந்தேன். அந்த திரைப்படத்தில் புதிதாக ஒரு ஹீரோயின் அறிமுகமாகுவதாகவும், அவள் அவ்வளவு அழகு என்றும் இருவரும் பேசிக்கொண்டிருந்தார்கள். படம் துவங்கி சில மணித்துளிகளில் அந்த இளம் நாயகி திரையில் தரிசனம் தந்தாள். கழுத்தில் ராதிகா என்று பொறித்த ஒரு செயின் தொங்கியது. வெள்ளை வெளேரென தங்கச்சிலை போல இருந்தாள். இத்தனை அழகா என வியந்தேன் நான்.(வயது 10 !). படத்தின் பெயர் வருஷம் 16. ஹீரோயின் குஷ்பூ.


சிறுவயதில் கதை புரியவில்லை. ஒரு நான்கைந்து வருடங்களுக்கு முன்பு மீண்டும் தெளிவாக அந்த படத்தை பார்த்தபோது எனக்கு அதிர்ச்சியாகவும் ஆச்சரியமாகவும் இருந்தது. பொறுக்க முடியாமல் என் நெருங்கிய நண்பர் ஒருவருக்கு போன் போட்டு..."என்னோட வாழ்க்கைல நடந்தத எல்லாம் பாசில் படமா எடுத்திருக்கிராருடா...." என்றேன். (டென்ஷனான என் நண்பர்) சில நொடிகள் மௌனம் காத்து பிறகு, "டேய்...நல்லா யோசிச்சு பாரு...உன்னோட சம்பவங்கள பாசில் படமா எடுத்ருக்றாரா, இல்ல நெறைய குடும்பங்கள பொதுவா நடக்றத எடுத்ருக்றாரா..."  என்று கேட்டார். அப்போதுதான் எனக்கு உறைத்தது.


வருஷம் பதினாறு ஒரு காதல் கதையல்ல. அனேக கூட்டு குடும்பங்களில் நடக்கும் சம்பவங்களின் தொகுப்பே இந்தப்படம். ஒரு கூட்டுக்குடும்பத்தில் நடக்கும் சம்பிரதாய சென்டிமென்ட் குழப்பத்திற்கிடையில் ஊடாடும் ஒரு அற்புதமான காதலும், முடிவில் காதல் என்னவாயிற்று என்பதுவுமே கதை. கார்த்திக்-குஷ்பூ காதல் காட்சிகளில் இளையாராஜாவின் பின்னணி இசை ஆன்மாவை மீட்டுகிறது. படத்தின் நாயகன் கார்த்திக் படம் முழுக்க குஷ்பூவை கிண்டல் செய்து கொண்டும், சீண்டிக்கொண்டும் இருப்பார். குஷ்பு அதை மறுக்கவும் மாட்டாமல், சரி என்று சொல்லாமலும் மையமாக வெட்கப்பட்டு, போலிக்கோபம் கொண்டும் ஓடிக்கொண்டே இருப்பார். இதை சாதகமாக எடுத்துக்கொள்ளும்  கார்த்திக் ஒரு கட்டத்தில் குஷ்பூ குளிக்கும்போது முன்னதாக சென்று குளியலைறையில் ஒளிந்து கொள்வார். அப்போதும் குஷ்பூ அவரை காட்டிக்கொடுக்காமல் தப்பிக்கவைக்க முயல்வார். ஆனால் அதற்குள் கார்த்திக் உறவினர்களிடம் வசமாக மாட்டிகொண்டு பெரிய பஞ்சாயத்தாகிவிடும். குடும்பத்தில் பெரிய மனக்கசப்பு வந்துவிடும். அதன் பிறகே, கார்த்திக்-குஷ்பூ காதல் பூக்க துவங்கும். படம் முழுக்க குஷ்பூ கார்த்திக்கை கண்ணத்தான், கண்ணத்தான் (கண்ணன் அத்தான்) என் விளித்துக்கொண்டே இருப்பார். கேட்பதற்கே இனிமையாக இருக்கும்.


வருஷம் பதினாறு படத்தில் வரும் சம்பவங்களுக்கும், என் வாழ்க்கைக்கும் நிறையவே ஒற்றுமைகள் இருந்தன. என் அத்தை மகள் என்னை மாமா,மாமா என வாய் நிறைய கூப்பிடுவாள். என்னை மாமா என் அழகாக அழைத்த முதல் பெண் அவள்தான். வெட்கப்படும்போது அவளைப்போல அழகி கிடையாது. வெட்கத்துடன் மையமாக தலையாட்டிக்கொண்டே இருப்பாள். எவ்வளவு சீண்டினாலும் பொறுத்துக் கொள்வாள். வேண்டும் என்றோ வேண்டாம் என்றோ இரண்டும் அவள் சொன்னதில்லை. இந்நிலைமையில் ஒருநாள் ,விதி எங்கள் இருவரின் அத்தியாத்திற்கு முற்றிப்புள்ளி வைத்தது. குளியலறையில் போய் ஒளிந்து கொள்ளும் அளவிற்கு எனக்கு துணிச்சல் வரவில்லை. அதைவிட, சற்றே குறைவான ஒரு தப்பு காரியம் செய்துவிட்டேன். அவ்வளவுதான், சோலி முடிந்தது. உறவினர்கள் மொத்தமாக சேர்ந்து அம்மிவிட்டார்கள். ஒரு மரோ சரித்ரா தடுக்கப்பட்டது.


கார்த்திக் எனக்கு பிடித்தமான நடிகர். குண்டாகவும் இல்லாமல், ஒல்லியாகவும் இல்லாமல் அளவான உடல்வாகு உடையவர். துறுதுறுவென நடிப்பார். என்னுடைய உயரத்திற்கேற்ற உடல் எடை இல்லையே  என்ற மனக்குறை எனக்கு எப்போதும் உண்டு. சிறிது எடை கூடினாலும் மன அழுத்தம் அதிகமாகும்போது எடை மீண்டும் குறைந்துவிடுகிறது. என் நண்பரின் தாயார் ஒருவர், " உனக்கு நல்ல அழகான முகவெட்டு இருக்குப்பா....ஐந்தாறு கிலோ எடை கூடினால் நீ அழகான பையனாகிவிடுவாய்" என்பார்.


இரண்டு வருடங்களுக்கு முன்னர் விண்ணைத்தாண்டி வருவாயா என்ற திரைப்படம் வெளிவந்தது. அதுவரை பலபடங்களில் விரலை ஆட்டி மொன்னை பிளேடு போட்டுக்கொண்டிருந்த  சிம்பு அந்த  படத்தில் தன்னுடைய ஸ்மார்ட்டான நடிப்பை வெளிப்படுத்தினார். அதில் சிம்பு கதாபாத்திரத்தின் பெயர் கார்த்திக் என்பது பலருக்கு நினைவிருக்கலாம். ஹீரோயின் பெயர் சொல்லவே தேவையில்லை. ஸ்மார்ட்டாக இருப்பதற்கும், கார்த்திக் என்ற பெயருக்கும் ஏதோ பந்தம் உள்ளது போல. எல்லாம் சரி...விண்ணைத்தாண்டி வருவாயா திரைப்படத்திற்கும், உன் வாழ்க்கை சம்பவங்களுக்கும் ஏதும் தொடர்புள்ளதா என யாரும் என்னை கேட்டு விடாதீர்கள். 

ஆகஸ்ட் 20, 2012.
திண்டுக்கல்.

Wednesday, August 8, 2012

தமிழ் நடிகர் திரு.சந்தானம் & வேதாத்திரி மகரிஷி...





தமிழ் நடிகர் திரு.சந்தானம் ஆற்றிய ஒரு உரை.  வேதாத்திரி மகரிஷி அவர்களை பற்றியும், அவரது மனவளக்கலை சிறப்பு குறித்தும், அதில் தனது சொந்த அனுபவங்களையும் பகிர்ந்து கொண்ட ஒரு எதிர்பாராத சிறப்பான உரை. விழா நடந்த இடம் சென்னை.







                                 

Sunday, July 29, 2012

Internet...





Hello friends,    Good morning.  It's my pleasure and thanks for giving me an opportunity for being in front of you all.  When we were asked to present a topic, I was quite perplexed to choose a topic which will best suit to the current scenario.  We all know that we are in the modern sophisticated scientific era.  As the human kind grows, the technology also grows with us.  When a new invention comes in to the world, there are always pros & cons attached to it.  I would like to pick up a specific topic and discuss it in front of you all. It's none other than the INTERNET.   We all know that, Internet is the most emerging technology which has now occupied in almost all of our houses.  Internet is nothing but, computers connected worldwide via a network that is used for data transmission and exchange.   We can also say, internet has shrunk the world.  Just think about our grand parent’s generation.  Just to drop a letter to a near by town, it took almost 2-3 days of time to reach the other person.  But in the internet era, when we click the send button, it just goes within a minute irrespective of the distance. 



Nowadays going abroad has become like going to a near by town.  So, how do people communicate each other?  Internet is the easiest and cheapest mode for it.   You should have heard about web camera also.  It's again a face to face communication technique.  Ok.  Apart from communication what and all we have in internet.  We have tons and tons of information loaded in the internet. For e.g., If I want to know about the Solar System, I can just type and word, solar system in the internet and it will give me lots of pages related to Solar system.  So, it's also an information bank.  Also, we can keep in touch with our friends though they are away from us.  Data can be shared across countries.  In India software industry is the most emerging industry in the recent times.  All the developed countries outsource their work and get it done in India.  It's all possible only through Internet.  As I told before, every coin has two sides.  Likewise, there are also lots of disadvantages over the internet.  Hackers over the net spread virus in the internet, which spoils the computer data.  They also hack the confidential data used in the net.  There are also no restrictions browsing the internet.  Children are prone to distract with the pornographic pictures which may affect their future. With this short summary, I would like to wind up the topic now.  Despite of having good or bad, I would like you all to see the advantages more than the disadvantages.  Thank you all once again.


Note: This small article was written by one of my friends, Mr.Arun, Software Engineer based on Bangalore for the primary understanding of school children about the internet.

Friday, July 20, 2012

ஆங் சான் சூகி...



நாம் வாழும் உலகில் அமைதி என்பது ஒரு அடைய முடியாத குறிக்கோளாகவே உள்ளது.

ஆங் சான் சூகி.


நன்றி: ஆனந்த விகடன்.

Monday, June 4, 2012

அந்த ஒரு பெண்...



ஒவ்வொரு முறை 
என் காதல் 
தோல்வியுறும் போதும்  
அந்த ஒரு பெண் 
நிம்மதி பெருமூச்சு 
விடுகிறாள் 
சூட்சுமமாக...!

கவிதை:  ப.லிங்கேஸ்வரன்.

Wednesday, May 30, 2012

உலக தமிழ் சினிமா...




நான் தமிழ் சினிமாக்களை விரும்பி பார்ப்பேன். ஹாலிவுட் படங்களை அவ்வளவாக பார்ப்பதில்லை.  இந்திய கலாச்சாரத்தை பிரதிபலிக்கும் திரைப்படங்களையே நான் இன்னும் பார்க்கவில்லையோ என்ற மனக்குறை எனக்குண்டு. இன்றைய உலகயமயமாக்கல் காலகட்டத்தில் ஒரு கல்லூரி மாணவரோ, ஒரு சமூகநல விரும்பியோ, ஒரு பொதுநோக்குடைய சிந்தனையாளரோ அவ்வப்போது வெளிவரும் திரைப்படங்களை பார்ப்பது அவசியம் என்றே கருதுகிறேன்.  காரணம், ஒரு திரைப்படத்தின் கதை, அது எடுக்கப்பட்ட விதம், மக்களிடையே பெரும் வரவேற்பு இவையெல்லாம் மாறிவரும் மக்களின் மனோநிலையை, சமூக-பொருளாதார சூழ்நிலையை துல்லியமாக பிரதிபலிக்கின்றன.


உலகத்தரமான சினிமாவாக கருதப்படுவதற்கு குறிப்பிட்ட ஒரு திரைப்படம் தன் சொந்த மண்ணின் கலாச்சாரத்தை பிரதிபலிக்க வேண்டும் என்ற வரையறையை பொதுவாக எல்லோரும் ஒப்புக்கொள்கிறார்கள்.



சினிமா விமர்சகர்கள் தமிழ் படங்களை அவ்வளவாக சிலாகிப்பதில்லை. அவர்களின் விமர்சனங்களில் பெரும்பாலும் இத்தாலிய பிரெஞ்சு ஜெர்மானிய சீன அமெரிக்க படங்களே இடம்பெறுகின்றன. அந்த படத்தை எடுத்த இயக்குனரே சிந்திக்காத கோணத்தில் எல்லாம் ஆராய்ந்து ,சைக்கோ அனலிசிஸ் செய்துவிடுகிறார்கள். இவர்கள்(உலக சினிமா விமர்சகர்கள்) தமிழ் சினிமா நோக்கி வைக்கும் முக்கிய குற்றச்சாட்டு, வேறு ஏதோவொரு அயல்நாட்டு படத்தின் கதையை தமிழ் இயக்குனர்கள் சுட்டுவிடுகிறார்கள் அல்லது தழுவி எடுத்துவிடுகிறார்கள் என்பதே.  என்னுடைய சந்தேகம் என்னவெனில், அந்த இத்தாலிய ஜெர்மானிய பிரெஞ்சு சீன அமெரிக்க இயக்குனர்களுக்கு கதைக்கரு எங்கிருந்து கிடைக்கிறது?  அல்லது சுத்தமான கற்பனையில் தோன்றியதா?


தமிழ் திரைப்படங்களை உயர்த்தி பேசாவிட்டாலும், தென்னிந்திய மொழிகளில் ஒன்றான மலையாள தேசத்தில் நீண்ட காலமாக, உலகத்தரம் வாய்ந்த கதைகள் வந்துகொண்டுதான் இருக்கின்றன.  எளிமையாக, கலைநயத்துடன் - நுட்பமான மனவுணர்வுகளை சித்தரிக்கும் ஏராளமான திரைப்படங்கள் வெளிவந்திருக்கின்றன. அவையெல்லாம் விமர்சகர்கள் கண்ணில் படவில்லையா?  இல்லை, கண்டுகொள்ளாமல் விட்டுவிடுகிறார்களா? உதாரணத்திற்கு,  செம்மீன் ( ஷீலா, 1950 ), தூவான தும்பிகள் (மோகன்லால், சுமலதா, பார்வதி), தன்மாத்ரா (மோகன்லால், மீரா வாசுதேவன்), ஒரே கடல் (மம்மூட்டி, மீரா ஜாஸ்மின்)  போன்றவை.  இன்னும் எத்தனையோ படங்கள் உள்ளன.


தமிழ் சினிமாவில், நான் பார்த்ததிலிருந்து, உலகத்தரம் வாய்ந்த சினிமாக்கள் என நான் கருதும் பட்டியல் இது:

அந்த நாள் (சிவாஜி கணேசன்,  1954)
என் பொம்முக்குட்டி அம்மாவுக்கு
வீடு (அர்ச்சனா)
அழியாத கோலங்கள்
எங்கேயோ கேட்ட குரல்
புது கவிதை
மகாநதி
தேவர்மகன்
ஹேய் ராம்
அன்பே சிவம்
நாயகன்
இருவர்
ஆய்த எழுத்து
உதிரிப்பூக்கள்
அழகி
தென்றல்
தவமாய் தவமிருந்து
சொல்ல மறந்த கதை
ராமன் தேடிய சீதை
கல்லூரி
வழக்கு எண் 18/9
 சேது
நான் கடவுள்
எங்கேயும் எப்போதும்
மைனா
தசாவதாரம்
விருமாண்டி


இந்த கட்டுரையை நான் மனதில் எழுதி வைத்தபோது, நிறைய தமிழ் திரைப்படங்களை பட்டியலில் வைத்திருந்தேன்.  தாமதமாகிக்கொண்டே வந்ததால் பல படங்கள் மறந்துபோய் விட்டன.  இன்னும் சில நாட்களானால் கட்டுரையே மறந்துவிடும் அபாயம் இருப்பதால்  ஞாபகத்திற்கு வந்தவரை எழுதிவிட்டேன்.

 








Sunday, May 20, 2012

ஹாய் மதன் - தத்துவஞானி வேதாத்திரி மகரிஷி.




கேள்வி:  தத்துவஞானி வேதாத்திரி மகரிஷியை பற்றி என்ன நினைக்கிறீர்கள்? அவர் எழுதிய புத்தகங்களை படித்ததுண்டா?


மதன் பதில்:  வேதாத்திரி மகரிஷி ஒரு சாதாரண குடும்பத்தில் பிறந்து வளர்ந்து , தன் கடின உழைப்பால் தத்துவஞானி ஆனவர். எந்த ரகசியங்களும் இல்லாமல் வெளிப்படையாக வாழ்ந்தவர்.  அவரை ஒரு தத்துவஞானி என்று சொல்வதை விட  Pantheist  என்று சொல்லலாம்  Pantheism என்றால்  அகண்ட கண்டங்களின் (Universe)
ஆச்சரியங்களுக்கு இடையே கடவுளை கண்டறிவது  (Pantheism: A belief or doctrine that identifies and correlates the god with the all existing forces in the universe).  ஆனால் அதற்கு பௌதீகம் (Physics)  நன்றாக தெரிந்து இருக்க வேண்டும்.  ஒரு எளிய  குடும்பத்தில் பிறந்து, பள்ளிப் படிப்பு கூட இல்லாமல் வளர்ந்த வேதாத்திரி மகரிஷி  எப்படி இந்த அளவிற்கு கண்டறிந்து எழுதினார் என்பதுதான் மிகப்பெரிய  ஆச்சரியம்.

- ஹாய் மதன் கேள்வி பதில்கள்.

நன்றி:  ஆனந்த விகடன் &  திரு.மதன்.

Saturday, May 12, 2012

சுவாதியின் அசத்தல் எக்ஸ்பிரஷன்...

சுவாதியும், போராடும் புலிகளும் என்ற தலைப்பில் ஒரு சிறிய கட்டுரையை போராளி திரைப்படத்தை மையமாக வைத்து சிலநாட்களுக்கு முன்பு  (  http://lingeswaran-ise.blogspot.in/2011/12/blog-post_11.html )
எழுதியிருந்தேன்.  அதில் நான் குறிப்பிட்டிருந்த சுவாதியின் அசத்தல் எக்ஸ்பிரஷனை கீழ்கண்ட வீடியோவில்  கண்டுகளிக்கலாம்.  Awesome scene என பெயர் கொடுத்திருக்கிறார்கள். சந்தேகமே இல்லை.



Sunday, May 6, 2012

Unstable nature of Economic and Financial Policies...



If we were to wrap up the whole human life into a single subject, that would be none other than Economics. A good academic book of economics would say that the beginning point of the economics is the human behaviour. To put it more accurately, it is the human needs and methods of fulfilling them. Since the human life always keeps changing rapidly, no economic policy can hold good all the time. We should understand the dynamic nature of human life which is otherwise known as Evolution of living beings and the development of culture. It is very apt here to remember and correlate the globalization process. So, it is clever to remind that as and when one devises an economic policy, it should be in accordance with the changing needs, preferences and the methods of gratifications. For that, the factors such as psychological, social, political
and technological - prevailing in the respective time period must be taken into account precisely. Ignoring or overlooking or forgetting the above concept shall leave any economic policy ineffective and unrealistic and obsolete in course of time. This is the reason why there is a big gap between the economic, financial policies of the government and the actual situation of the country. Scholars of  economics have to spend their precious time thinking this way for the welfare of mankind.



Let me elucidate an simple example for understanding. The following three terms are frequently used in economics viz Supply, Demand and Price. Before ten or fifteen years, for example, if the supply of goods (production of goods) by the companies has increased, automatically the price of goods would witness a decline. But, What is happening now?  Even if the supply of goods (Production) increases, price level doesn't fall. Instead, it raises constantly. Only here in this juncture, the behaviour  of the people comes into picture. The greedy Industrialists tend to produce more numbers of goods and how can they make the consumers (people) buy the products? They, with the help experts of advertising, formulate appealing and attractive advertisements to create artificial willingness in the people's mind to buy goods. Consumers(people) even without real needs go for purchasing the products. Consumers fall prey to the greedy fellows. They are stimulated by the advertisements. This behaviour of consumers may be called as impulsive buying.



Upon seeing both Producers(Industrialists) and Consumers(People), we can apparently notice that the behaviour takes the vital role.  That is why i stress that the changing tendency and mindset of society must be analysed and considered precisely prior to formulating any kind of financial or economical policy, for it has to yield fruitful results to the individual and the society as a whole.


Note:  The name of above film is 'Orae kadal' a malayalam film. It talks about the minute feelings of humans and unanticipated events caused by the economic crisis of an individual. Mammotty plays the role of Economics professor and Other casting Meera Jasmine and Naren. This film won the national award for backround music score and it has excellent acting performance by all actors.

Sunday, April 29, 2012

மாயையில் சிக்கி மதிகலங்கி...




மாயையில் சிக்கி  மதிகலங்கி ஆகாத 

--- செயல்கள் செய்து உழல்வதை பெற்ற 
தாயைப் போல கருணையுடன் பார்த்திருக்கும் 
--- என் இறைவா! மீளாத பிறவி 
நோயை போக்கி அழுத்தும் கர்ம 
--- வினைகளை மனக்  கிலேசங்களை நீக்கி 
காய் கனிந்து தரையில் விழுவதுபோல 
--- உன்னைச் சேர்ந்து அமைதி பெறுவது எக்காலம்.


கவிதை: லிங்கேஸ்வரன்.

Sunday, April 15, 2012

ஒருவருக்கொருவர் குழந்தையாகி...



தலைமுடி கோதி
மடியில் முகம் புதைத்து 
கிடைக்கும் ஒரு நொடியில் 
இதழ் மேல் இதழ் பதித்து 
சாதி உடைத்து 
போராடி திருமணம் செய்துகொண்டு 
நிஜமாக, பொய்யாக கோபித்துக் கொண்டு 
மழை பெய்யும் மாலை வேளையில் 
பின்னால் இருந்து கட்டியணைத்து 
கோபங்கள் கரைந்து 
உடம்புக்கு நோவு வந்த வேளையில் 
தோளில் சாய்த்துக்கொண்டு 
ஒழுகும் மூக்கை சிந்தி 
மருந்து மாத்திரை ஊட்டி விட்டு 
வருடங்கள் பலகடந்து 
முதுமை வயதில் 
ஒருவருக்கொருவர் குழந்தையாகி 
முற்றுப் பெரும் 
வாழ்வே காதலுக்கான 
என் அர்த்தம்.....!


கவிதை: லிங்கேஸ்வரன்.

Saturday, April 14, 2012

Queen of my heart...


I miss you very much
Your memory makes full of Joy in my Life
They say, God is within the mind
Well, true or not
You are within my mind
You are the queen of my heart
I miss you very much
I love you.....!


Lingeswaran

Friday, April 13, 2012

ஜாதகம் உண்மையா...




அனைவருக்கும் மனங்கனிந்த தமிழ் புத்தாண்டு வாழ்த்துக்கள்.  சூரியனானது மேஷ ராசியில் நுழையும் நாளே தமிழ் வருடத்தின் முதல் நாளாகும். ராசி என்றவுடன் ஏதோ விநோதமாக நினைத்துவிட வேண்டாம்.  வானத்தில் காணப்படும் எண்ணற்ற நட்சத்திர கூட்டங்களை, கொத்து கொத்தாக பிரித்து ஒவ்வொரு கொத்திற்கும் நமது முன்னோர்கள் சூட்டிய பெயர்கள்தாம் ராசிகளாகும்.  நட்சத்திரங்களை இருபத்தி ஏழு தொகுதிகளாக பிரித்தார்கள். ஒவ்வொரு நட்சத்திர தொகுதியும்  ஒரு பெயரால் அழைக்கப்படுகிறது. மொத்தம்  27 நட்சத்திரங்கள். அதாவது தொகுதிகள்.  பிறகு வசதிக்காக இரண்டே கால் நட்சத்திர தொகுதிகளை  ஒன்றுசேர்த்து  ஒரு ராசியாக பெயரிட்டார்கள். பன்னிரண்டு ராசிகள்.


தற்போது எல்லோரும் நல்ல படிப்பறிவு பெறும் வாய்ப்பு வசதியை பெற்றுள்ளனர்.  ஒரு கிராமத்தில் வசிக்கும் பெண்  B.E., M.Sc., MBA வரை வந்துவிடுகிறார்கள். நல்ல சம்பளம் கிடைக்கும் உத்தியோகத்திலும் சேர்ந்து விடுகிறார்கள்.  அறிவு வளர்ச்சி, பொருளாதார வளர்ச்சி  வரவர பழைய கருத்துக்களை புறந்தள்ள தொடங்கிவிடுகிறார்கள்.  உதாரணமாக  ஜாதகம், ஜோசியம் போன்றவை எல்லாம்  மூட நம்பிக்கை என்பது  பெரும்பாலான படித்தவர்களின் எண்ணமாகும்.  அவ்வாறு சொல்பவர்களிடம் நான் ஒரு கேள்வி கேட்பேன்,  வானத்தில்  சூரியன், நிலா, நட்சத்திரங்கள்  போன்றவை இருக்கின்றன என நம்புகிறீர்களா?   அதிலென்ன சந்தேகம் என்பார்கள். 


உண்மையில் , ஜோதிட சாஸ்திரம்  என்பது  ஒரு மூடநம்பிக்கை என நினைப்பதுதான் மூடநம்பிக்கை ஆகும்.  ஜோதிட சாஸ்திரம் என்பது சுத்தமான வானியல் அறிவு ஆகும்.  இதைப்பற்றி ஒரு கட்டுரை எழுதவேண்டும் என நினைக்கிறேன். ஆனால் மேலோட்டமாகவோ, அரைகுறையாகவோ எழுதிவிட்டால் மீண்டும்  அது மூடநம்பிக்கையாகி  விடும் அபாயம் இருப்பதால், சில நாட்களில்  விரிவாக ,தெளிவாக ,அறிவியல் கண்களுக்கு விளங்கும் வகையிலேயே  எழுதிவிடுகிறேன்.  சூரியன், நிலா மற்றும் வானில் உலாவும் கணக்கிலாத நட்சத்திர கூட்டங்கள்  ஒவ்வொரு மனிதனின்  உடலிலும் ( ரசாயன மாற்றங்கள்), மனதிலும் ( எண்ணங்கள் மற்றும் குனாதிசங்கள் )  பிறந்த நொடிமுதல்  மரணம்வரை  மாற்றங்களை உண்டு பண்ணிக்கொண்டே இருக்கிறது.  ஒரு மனிதனின் உயிர் உடலிலிருந்து பிரிவதற்கும்  கோள்களே காரணமாக அமைகின்றன.  இது பற்றி  விரிவாக எழுதுகிறேன். அதுவரை உங்கள் விழிகள் விரிவதற்கு  சில ஆச்சர்யமான உண்மைகளை படியுங்கள்.


பரணி நட்சத்திரத்தில் பிறந்தவர்கள்  நல்ல கலையுணர்வும், அதிக காம உணர்வு  உடையவர்களாகவும் இருப்பார்கள். சற்று சுறுசுறுப்பில்லாமல் இருப்பார்கள்.  அஸ்வினி நட்சத்திரத்தில் பிறந்தவர்கள் Energetic  ஆகவும், Active ஆகவும் இருப்பார்கள். இவர்களுக்கும் காம உணர்வு அதிகம் உண்டு.   சித்திரை மற்றும் ஹஸ்தம்  நட்சத்திரத்தில் பிறந்தவர்கள்  நல்ல உடற்கட்டு  உடையவர்களாக இருப்பார்கள். இவர்களுக்கு  Ego அதிகம் உண்டு.   விசாகத்தில் பிறந்தவர்கள்  தாங்கள் கொண்ட கொள்கையை அவ்வளவு எளிதில்  மாற்றிக்கொள்ள மாட்டார்கள். இவர்களை தங்கள் அழகை திருத்தமாக, நேர்த்தியாக வைத்துக்கொள்வதில் ஆர்வம் உடையவர்கள்.  சதயம் நட்சத்திரத்தில் பிறந்தவர்கள் சாந்தமான குணமுடையவர்கள், தாங்களுண்டு தங்கள் வேலையுண்டு என்றிருப்பவர்கள்.  தானாவே யாருக்கும் உதவி செய்ய மாட்டார்கள். ஆனால் உதவி கேட்டால் செய்வார்கள்.  புனர்பூசத்தில் பிறந்தவர்கள்  சிறந்த பேச்சாற்றல் உடையவர்கள். இவர்களுடன்  யாரும் பேசி ஜெயிக்க முடியாது.  மகத்தில் பிறந்தவர்கள் ஆளுமை திறனும், சோர்வில்லாமல் வேலை செய்யும் திறனும் ( அந்த வேலை அல்ல !)  உடையவர்கள்.  கேட்டை நட்சத்திரத்தில்  பிறந்தவர்கள் முன்கோபிகள். எரிந்து விழுவார்கள்  பின்பு அதற்காக வருத்தப்படுவார்கள். ரோகிணியில் பிறந்தவர்கள் அடக்க ஒடுக்கமாக எந்த வம்புதும்புக்கும் போகாமல் இருப்பார்கள். ஆன்மீக ஈடுபாடு கூட இருக்கும்.

Monday, April 9, 2012

ஒரு நொடிதான்...



ஒரு நொடிதான் 
அவள் 
பார்த்தாள்...
என் உலகம் 
அங்கேயே 
நின்று விட்டது...!

லிங்கேஸ்வரன் 

Saturday, April 7, 2012

தமிழ்நாட்டில் நிலவும் மின்வெட்டை குறைப்பது எப்படி?





சமீப நாட்களாக எங்கள் ஊரில் (தமிழ்நாட்டில் தான்) நிலவி வரும் கடுமையான மின்வெட்டை தாங்கவே முடியவில்லை. வியர்வை புழுக்கத்தில் தூக்கமே வரமாட்டேன் என்கிறது. செம கடுப்பாக இருக்கிறது. அதாவது பரவாயில்லை குழந்தைகள், முதியவர்கள், நோயாளிகள்,  தொழிலாளர்கள் இவர்களின் நிலைதான் பரிதாபம். 


இது மாதிரி பிரச்சினைக்களுக்கெல்லாம் தடவிக் கொண்டிருக்க கூடாது.  அதிகாரிகள், அனுபவமும் திறமையும் மிக்க பொறியியல் வல்லுனர்கள், சமூக சிந்தனையாளர்கள்  இவர்களை அவசரமாக கூட்டி, கலந்தாலோசித்து, போர்க்கால அடிப்படையில் முடிவெடுத்து  அமுல்படுத்தினால் பலரும் நிம்மதி பெருமூச்சு விடுவார்கள்.  தமிழ்நாட்டில் தினமும்  12 நேரம் நிலவும் மின்வெட்டை ஒரே வாரத்தில் உத்திரவாதமாக பாதியாக குறைக்க எனது ஆலோசனைகள்  இவை:


ஒன்று:   மின்கட்டணத்தை மூன்று மடங்கு உயர்த்தி விட வேண்டும் (அர்த்த சாஸ்திரம்).  சிக்கனமாக பயன்படுத்தி உதவுங்கள் என்று மாண்புமிகு முதல்வரே ஊடகங்களில் வேண்டுகோள் விடுக்கிறார் என வைத்துக்கொள்ளுங்கள். யாராவது கேட்பார்களா?


இரண்டு:  எந்த ஒரு வணிக நிறுவனமும்   (ஆஸ்பத்திரி, அரசாங்க அலுவலகம் மற்றும் தொழிற்சாலைகள் விதிவிலக்கு) இரவு எட்டுமணிக்கு மேல் திறந்திருக்க கூடாது (கேரளா).  மின்சாரத்தை அணைத்துவிட்டு, கதவை இழுத்து பூட்டிவிட வேண்டும்.  இதற்கு தயார் செய்துகொள்வதற்கு ஒரு வாரம் அவகாசம் கொடுக்கலாம்.  மீறினால், ஸ்பாட் பைனை போட்டுத்தீட்டி, வசூலாகும் தொகையை, ஒரு வங்கிக்கணக்கில் போட்டுவைத்து,  தனியார் மின் உற்பத்தி நிலையங்களுக்கு  அரசாங்கம் செலுத்த வேண்டிய பாக்கியை செலுத்த பயன்படுத்திக்கொள்ளலாம்.

அடிப்படை உரிமை நசுக்கப்படுகிறது என சிலர் கூப்பாடு போடுவார்கள்.  அரசாங்கம் அதற்கெல்லாம் அசைய கூடாது. வாழ்வாதாரமே ஊசலாடுகிறது. முதலில் பிறப்பு உரிமை அப்புறம்தான் அடிப்படை உரிமை.


மூன்று:  எந்த மதமானாலும்  கத்தி காதை கிழிக்கும் திருவிழாக்கள், பொதுக்கூட்டம் பிரச்சாரம், தேரோட்டம், பூச்சொரிதல்  இவை எதற்கும் அனுமதி கூடாது.  டியுப் லைட்டிற்கே  ஏராளமான மின்சாரம் திருடப்படுகிறது அல்லது அனாவசியமாக செலவாகிறது.



நான்கு:   MNC கம்பெனிகளுக்கு தடையில்லாமல் வழங்கப்படும் கரெண்டில் தினமும் நாலு மணிநேரம் புடுங்கிவிட வேண்டும். பன்னாட்டு கம்பெனிகளால் வளரும் பொருளாதாரம் உண்மையான பொருளாதாரமல்ல.  பர்சில் உள்ள அதிகப்படியான பணத்தை மறைமுகமாக உருவி, செலவழிக்க செய்யும்  பகட்டுப் பொருளாதாரம் அது.

விவசாயம், சிறு-குறு தொழில்கள் ( Tiny and Small Scale Industries )  இவற்றால் உற்பத்தி செய்யப்படும் பொருட்கள், அடித்தட்டு-நடுத்தர மக்களுக்கு கிடைக்கும் வேலைவாய்ப்பு, அதனால் உண்டாகும் பணபுழக்கம்  இவைதான் உண்மையான பொருளாதார வளர்ச்ச்சியாகும்.


ஐந்து:  சோலார் பேனல்கள் கொண்டு (சூரிய ஒளி) மின்சாரம்  தயாரிக்கும் திட்டம் ஒரு நீண்டகால திட்டமாகும். அதிக செலவு, கூடுதலான மின்விரயம் போன்ற அதிலுள்ள சிலபல சிக்கல்களை நீக்க இப்போதே முயற்சியையும் ஆராய்ச்சியையும் துவக்குவது  நல்லது.  இல்லையெனில்  வருங்கால குழந்தைகள் நம்மை சபிப்பார்கள்.

கூடங்குளம் அணு உலை...








கூடங்குளம் அணு உலை பிரச்சினை தற்போது கொதிக்க ஆரம்பித்திருக்கிறது. ஒன்று மட்டும் நிச்சயம். கூ.அ.உலை துவங்கினால் தமிழகத்தில் மின்தட்டுப்பாடு தீர்ந்து விடும் என்றால் அது அண்டப்புளுகு. அதில் நிறையவே டெக்னிக்கல் சமாச்சாரங்கள் இருக்கிறன. மின்சாரத்தை உற்பத்தி செய்து தேவையான இடங்களுக்கு விநியோகம் செய்வதிலுள்ள முக்கிய பிரச்சினை Energy Loss  என்பதாகும், கரண்ட் கம்பிகளில் மின்சாரம் பாயும்போது ஒரு குறிப்பிட்ட அளவு விரயமாகி விடுகிறது.


கூ.அணு உலை எதிர்ப்பு ,ஆதரவு என இரு பிரிவாக மோதிக்கொள்கிறார்கள். அணு உலைக்கு எதை அடிப்படையாக வைத்து ஆதரவு தருகிறார்கள் என புரியவில்லை.  சொந்த காசில் யாராவது மொத்த குடும்பத்திற்கே சூனியம் வைத்துக் கொள்வார்களா?  ஸ்கூல் பிள்ளைகள் மாதிரி பேசக்கூடாது.   அணு உலையில் மின் உற்பத்தி துவங்கினால் பின்வரும் இரண்டில் ஒன்று நிச்சயமாக நடந்தேறும். ஒன்று,  ஏதேனும் விபரீதம் நேர்ந்தால்,  தமிழக மக்கள் அனைவரும் கூண்டோடு வைகுண்ட பதவியை அடைவது.  அல்லது, அணுக்கதிர் கசிவினால் ஏதோவொரு கொடிய நோயால் பீடிக்கப்பட்டு தலைமுறை தலைமுறையாக சாவடி வாங்குவது.


நான் அணுப் பொறியியலோ, அணு இயற்பியலோ படிக்கவில்லை. ஆனால் இயற்பியல் படித்த என்னால்  எது நிஜம், எது சரடு என்று பிரித்தறிய முடியும்.  அணுக்கரு உலை கதிர்வீச்சு எவ்வாறு உடல்நலனை பாதிக்கிறது என்பதை புரிந்து கொள்வது சுலபமான காரியம்தான்.


ஒரு அணு என்பது கண்களுக்கு புலப்படாத, மைக்ராஸ்கோப்பில் மட்டும் அகப்படும் ஒரு கோள (உருண்டை) வடிவ அமைப்பாகும்.  ஒரு அணுவில் மூன்று வகையான துகள்கள் உள்ளன. அந்த துகள்களும் கோள வடிவமானவைதான். அணுவின் மையப்பகுதி  உட்கரு எனப்படும்.  உட்கருவில் நியுட்ரான் எனப்படும் துகள்களும், புரோட்டான் எனப்படும் துகள்களும் இடம்பெறுகின்றன.  உட்கருவை சுற்றி பல்வேறு வட்டப்பாதைகளில் எலெக்ட்ரான் எனப்படும் துகள்கள் பயங்கரமான வேகத்தில் சுழல்கிறன.


இவ்விடத்தில் ஒரு முக்கியமான விஷயம் நாம் அறிந்துகொள்ள வேண்டியது இருக்கிறது.  நாம் பார்க்கும் நட்சத்திர மண்டலத்தில் (பிரபஞ்சத்தில்)  நான்கே வகையான விசைகள்தான் செயல்படுகின்றன. ஒன்று, இரண்டு  அணுக்களிடையே /  பொருட்களிடையே  நிலவும் ஈர்ப்பு விசை.  இரண்டு , ஒரு அணுவில் எலெக்ட்ரான்-களை பிடித்து வைத்திருக்கும் மெலிதான விசை. மூன்று, அணுவின் உட்கருவில்  நியுட்ரான்-களையும், புரோட்டான்-களையும்  இறுக்கி பிணைத்திருக்கும் ஒரு வலுவான விசை.  நான்கு, மின்காந்த விசை.  இந்த நாலு வகையான விசைகளையும்  ஒன்றிணைத்து நோக்கிவிட   (Finding a single force which is known as Unified Force)  அறிவியல் ஆராய்ச்சியாளர்கள் கடுமையாக முயன்று வருகிறார்கள்.


வெளிப்புறத்திலிருந்து ஒரு வலுவான விசையை கொண்டு தாக்கினால், அணுவில் சுழலும் எலெக்ட்ரான்கள் கழன்று ஓடிவிடும்.  ஆனால் உட்கருவில் இறுக்கி பிணைக்கப்பட்டுள்ள நியுட்ரான் மற்றும் புரோட்டான் கள்  அப்படி அல்ல.  அணுக்கரு உலையில் நடப்பது என்னவென்றால்,  இன்னொரு மிக ஆற்றலுள்ள விசையால், உட்கருவிலுள்ள  நியுட்ரான் புரோட்டான் துகள்கள்  சிதறடிக்கபடுகின்றன.  அப்போது மாபெரும் ஆற்றல் அணுவிலிருந்து வெளிப்படுகிறது.  இந்த ஆற்றலே மின்சாரமாக மாற்றம் செய்யப்படுகிறது. உண்மையில் நடப்பது என்னவென்றால், ஒரு அணுவின் கட்டமைப்பே  சிதறடிக்கபடுகிறது.  ஒரு அணுவின் மையப்பகுதியான உட்கரு சிதையும்போது, மிக நுட்பமான அலைகள் ( கதிர்வீச்சு) வெளிப்படுகிறது.


அணுவிலிருந்து வெளிப்படும் இந்த அலைகள் (கதிர்வீச்சு) மிகமிகமிக நுண்ணியதாகவும், மிகமிகமிக அதிக அலைவேகமும் கொண்டதாகும்.  எங்கும், எவ்வளவு தடிமனான பொருளையும் எளிதில் ஊடுருவி செல்ல கூடியவை இந்த அலைகள்.  இவை மனித மன கணக்குக்கு அப்பாற்பட்டவையாகும்.  எவ்வளவு திறமையான பாதுகாப்பு வசதிகளும் அணுக்கதிர் வீச்சை தடுத்து நிறுத்தக்கூடும் என்று சொல்வதற்கில்லை, அதற்கு எந்த உத்திரவாதமும் இல்லை.


நுண்ணிய, வேகமான - அணுக்கரு சிதைவின்போது  - வெளிப்படும் இந்த அலைகள் மனித சதைகளையும், எலும்புகளையும், ரத்தத்தையும் சுலபமாக ஊடுருவி செல்லும். அவ்வாறு செல்லும்போது, இன்னதென கணிக்க முடியாத, ரசாயன மாற்றங்களை உடலில் அவை ஏற்படுத்தி விடும்.  அதன் விளைவாக, ரத்த புற்றுநோய், எலும்பு புற்றுநோய், உடலின் ரசாயன திணிவு மையங்களான நாளமில்லா சுரப்பிகளில் பாதிப்புகள் ( தைராய்டு போன்றவை), மூளை பாதிப்பு  போன்ற பல்வேறு நோய்கள் உருவாக நிச்சயம் வாய்ப்புண்டு.


மனித உடலின் மிகவும் மென்மையான செல்களான, விந்து செல்களையும்  அணுக்கதிர் வீச்சு பாதிப்பிற்குள்ளாக்கும். விந்து செல்கள் பாதிக்கப்படுவதால்  குழந்தை பேறின்மை கூட  ஏற்படலாம்  என நாமே யூகித்துக்கொள்ளலாம்.  ஒவ்வொருவருக்கும் குழந்தைகள் விந்து மற்றும் அண்ட செல்கள் மூலமாகவே உருவாவதால் , தலைமுறை தலைமுறையாக  மேற்கூறிய நோய்களோடு  உடல் ஊனம் , மூளை வளர்ச்சி குறைவு, ஆட்டிசம்  போன்ற பல்வேறு வியாதிகள் உடலில் தொற்றிக்கொண்டு  மனித குலத்தை தொடர்ந்து நாசமாக்கும்.


அழகாக, பேரறிவோடு அடுக்கப்பட்டிருக்கும் அணுவின் கட்டமைப்பை சிதைப்பதென்பது  ஆண்டவனோடு விளையாடுவது போன்றதாகும்.  தொடர்ந்து  தன்னை சீண்டிக்கொண்டே இருப்பவர்களை இயற்கை அன்னை இரக்கமின்றி ஒறுத்து விடுவாள். ' அவன் இன்றி ஓர் அணுவும் அசையாது '  என்ற  தாயுமானவர்  வாக்கை நினைவுக்கு கொண்டு வருவது நல்லது.

SUCCESS RECIPE - BOOK REVIEW (ENGLISH / TAMIL)

Abundance of Money, Economical freedom, Success in Life and Job, Peace of mind – these are some of the vital few what peopl...